Nestlé компаниясы қабылдаған міндеттемелерге сәйкес, біз өз қызметіміздің қоршаған ортаға тигізетін әсерін үнемі азайтуға тырысамыз. Парниктік газдар шығарындыларын 35%-ға азайту, фабрикаларымыз үшін 100% жаңартылатын электр энергиясын сатып алу, зауыттарымыздағы қалдықсыз өндіріс – бұл біз жұмыс істейтін негізгі бастамалардың кейбіреуі ғана.
Біз үнемі өндірістік қызметіміздің қоршаған ортаға әсерін азайту жолдарын іздейміз, ресурстарды тұтынуды азайтудың ықтимал тәсілдерін талдаймыз, жаңартылатын көздерден энергияны пайдалануды арттырамыз, парниктік газдар шығарындылары мен қалдықтар санын азайтамыз.
ПАРНИКТІК ГАЗДАР ШЫҒАРЫНДЫЛАРЫ
Nestlé компаниясы соңғы он жыл ішінде біздің өндірісімізге байланысты парниктік газдар (ПГ) шығарындыларын бір тонна өнімге, яғни 39%-ға төмендетіп, үлкен жетістікке жетті. Ғылыми мәліметтерге сүйене отырып, Nestlé 2015 жылы Климатты өзгерту туралы Париж келісімінің орындалуына үлес қосу үшін ПГ шығарындыларын азайту міндеттемесін алды. Осыған байланысты 2020 жылға қарай энергия тиімділігін одан әрі арттыру және жаңартылатын энергия көздерін пайдалану есебінен ПГ шығарындыларын 2010 жылмен салыстырғанда 35%-ға қысқартуды көздеп отырмыз.
2016 жылы Nestlé парниктік газдар шығарындыларын азайту және климаттың өзгеруіне қарсы тұру бойынша кәсіпорындардың күш-жігерін бағалайтын және прогресс туралы көпшілікке хабарлайтын, әлемдегі компаниялардың парниктік газдар шығарындылары туралы мәліметтер базасын жүргізетін тәуелсіз ұйым CDP-нің мойындауына ие болды (бұрынғы атауы Carbon Disclosure Project).
ЖАҢАРТЫЛАТЫН ЭНЕРГИЯ
Nestlé жаңартылатын көздерден фабрикалар тұтынатын электр энергиясының 100%-ын сатып алу міндеттемесі болып табылатын RE100 бастамасын орындау үшін жұмыс істеп келеді. Бүгінде Испания, Италия, Ұлыбритания, Венгрия, Германия және Польшадағы біздің Purina® еуропалық зауыттарымыз 100% жаңартылатын электр энергиясын сатып алып жатыр. Франция мен Ресейдегі кәсіпорындар да осы мақсат бойынша жұмыс істеуде.
ҚАЛДЫҚТАР
Nestlé 2020 жылға қарай қалдықтарды жерге көмуде «нөл қалдыққа» қол жеткізу бойынша міндеттеме алды. Міндеттеме барлық пайда болған қалдықтар пайдаға қарай қайта өңделуі керек дегенді білдіреді. Мысалы, органикалық қалдықтарды жаңартылатын энергия көздері мен тыңайтқыш алу үшін қайта пайдалануға болады, қалдықтарды энергия алу үшін өртеуге болады. Бүгінде біз үлкен жетістіктерге жеттік, Еуропаның 14 Purina® зауытының 12-сі қалдықтарды жерге көмуде «нөл қалдық» мақсатына жеттік.
