Қаптама өнімнің жоғары сапасы мен қауіпсіздігін қамтамасыз ету үшін маңызды. Біздің міндетіміз – серіктестерімізбен бірге қаптаманың көп бөлігін қайта өңдеуге мүмкіндік беретін инновацияларды енгізуді жалғастыру. Сондай-ақ өнімдеріміздің қаптама көлемін азайтуға мүмкіндік беретін инновациялық шешімдерге қатысты мәселені қарастырып келеміз.
Қаптамамыздың арқасында үй жануарларына арналған итаяққа түсетін өнімдер балғын, қауіпсіз, бүлінбеген және толық сақталған.
Құрғақ немесе сулы азыққа немесе тәтті азықтарға арналған қаптамада өнімнің тағамдық құндылығы туралы маңызды ақпарат, сондай-ақ қажетті құқықтық ақпарат бар. Осы ақпараттың бәрі біздің азық туралы көбірек білуімізге көмектеседі.
Біз салмағы мен көлемінің барабар арақатынасына сүйене отырып, қаптаманың санын азайтуға тырысамыз, сондай-ақ қаптаманы пайдаланғаннан кейін оны қайта өңдеуге болатындай жұмыс істейміз.
2016 жылы біз қаптама материалдарды пайдалануды 1009 тоннаға азайттық. Қаптама қалдықтарын қайта өңдеу мақсаттарымызға жету үшін біз бүкіл Еуропа бойынша жобаларға қатысамыз, жаңартылатын көздерден алынған материалдарды зерттейміз және қалпына келтірілетін биопластик әзірлейміз.
Мысалы, Францияда біз жеткізушілеріміздің бірімен әріптес бола отырып, пластикті алюминийден бөліп алатын алюминий пакеттерін қайта өңдеу жөніндегі пилоттық жобаны іске қостық. Бұл пластикті басқа өнімдерге шикізат ретінде немесе отын ретінде пайдалануға мүмкіндік береді, ал алюминийді қаптаманы жасау үшін қайта пайдалануға болады. Жаңа қаптаманы әзірлеу кезінде біз қазіргі Purina® қаптамасының экологиялық жағдайға әсерін бағалауға мүмкіндік беретін арнайы құралды қолданамыз, бұл оны жақсартуға қатысты дұрыс шешім қабылдауға мүмкіндік береді.
Біздің Еуропадағы мақсатымыз – 2019 жылға қарай қаптаманы пайдалануды кем дегенде 3000 тоннаға азайту үшін оны оңтайландыру бойынша жұмысты жалғастыру.
Purina®-ның қаптаманың экологиялық сипаттамаларын жақсарту бойынша міндеттемелерін осы жерден біліңіз.
